26.06.2010. O popular promete que con el se poderá "usar" La Coruña, denuncia que os coches oficiais de María Pita "se lavan e enceran cada 36 horas", acusa a Losada de "vivir na súa nube" e ó BNG de "volver ó extremismo" da UPG. Carlos Negreira (Río de Xaneiro, 1960), foi presentado o xoves pasado nun acto na Coruña como candidato do PP á Alcaldía herculina para as eleccións municipais do 2011. Os populares avisan de que van a por todas -agora mesmo teñen 10 concelleiros fronte ós 11 do PSdeG e os 6 do BNG-, co obxectivo de sacar do Goberno o Bipartito de esquerdas que, segundo eles, "comete erro tras erro".
Con que obxectivos se presenta ás eleccións?
O noso obxectivo primeiro é volver recuperar unha cidade para todos os veciños. Agora estamos nunha na que falta moitísima participación, moitísimo consenso en torno ós grandes obxectivos que ten que abordar este concello nos próximos anos e polo tanto queremos facer unha cidade para todos, abrir as ventanas, porque unha nova forma de facer política é posible. Temos que darlle non só un cambio de persoas, senón de rumbo, para que siga sendo a cidade-guía de Galicia, como o foi durante moito tempo. A nosa meta é unha cidade, non en branco e negro como está a facer este goberno, senón unha cidade puxante, que responda ós cidadáns e ás entidades que son sobrasaíntes fronte a un goberno moi deficiente.
Cada día vemos que as enquisas, as valoracións, as opinións, son mellores. Estamos moito mellor preparados que hai tres anos, temos moito mellor afinado o noso proxecto, e desde logo, xa houbo enquisas reais que tanto nas autonómicas como nas europeas puxeron de manifesto por primeira vez que o PP gañou en todos os barrios. Isto é froito da proximidade que ten o PP coa xente. Imos intentar humildemente conseguir a total confianza e que o electorado nos dea unha maioría suficiente para poder gobernar na Coruña.
Falta case un ano para esas eleccións municipais, pero estamos xa en precampaña...
Estamos acelerando o proceso de poñer propostas enriba da mesa para solucionar os problemas dos cidadáns. O traballo é de todos os días e hai que intentar que a voz dos cidadáns chegue a onde se toman as decisións. Iso é o verdadeiramente importante, e máis nun contorno de crise como o que estamos, onde cada vez debemos de ser máis esixentes con todos os políticos para que se actúe en positivo, deixando o partidismo, a política no sentido peor do termo, isto temos que deixalo para outros momentos.
Non obstante, cada vez hai máis lea entre PP e PSOE cos ventiladores a tope...
O que lle podo asegurar é que nestes últimos meses estamos facendo continuamente propostas. Fixemos propostas sobre temas de infraestruturas, sobre temas de austeridade, xa que o noso concello non é precisamente o campión da austeridade, senón o da opulencia. Fixemos propostas en torno á mellora das condicións de empregabilidade da nosa xente, en temas de formación, en temas de emprego, que é unha preocupación fundamental. Pense que en tres anos temos un 56% de paro, 7.000 coruñeses máis engrosaron as filas do paro durante este Bipartito municipal e para nós é o maior problema de hoxe.
Superar a crise económica será un dos eixes do programa electoral do PP...
Absolutamente fundamental. Hai que achegar todas as propostas necesarias desde a austeridade, a planificación e o rigor para que sexamos unha parte da solución do problema e non, como é neste momento o Bipartito, a parte fundamental do problema.
Máis aló, cales son os principais problemas para afrontar?
Nós temos unha finalidade clara, que é potenciar os sinais de identidade da nosa cidade. Facer da Coruña un espazo atractivo para vivir, para ter calidade de vida, pero tamén un espazo económico atractivo para que as empresas queiran vir instalarse e as que xa están fagan máis investimentos para medrar. Esa é a clave: Calidade de vida e progreso económico. Sobre iso aséntanse innumerables propostas, desde o tema do transporte público, que para nós é unha clave esencial; o tema do benestar social, con máis residencias, con máis escolas infantís; o tema das infraestruturas... Hai tres anos describíanse os problemas da cidade, hoxe seguen sendo os mesmos, pero con menos perspectivas de solución. Imos procurar que eses problemas de toda a vida que seguen sen resolverse se resolvan. Seguimos moi afastados de estar no nivel que merecemos.
Vostede fará que A Coruña volva ser La Coruña?
Eu farei que se poida utilizar indistintamente unha ou outra denominación, que a xente se poida expresar en liberdade e sen imposicións, que é o que queremos todos. Permitir, ampliar, dar máis liberdade e non coaccionar a ninguén.
As súas críticas ó Bipartito local son continuas. En que cre que falla máis este goberno?
Máis que críticas continuas, o que pasa é que os erros do Bipartito son continuos. É un goberno que potencia e se ocupa do trivial, como as placas das rúas, e esquece o principal, que é o emprego. É un goberno que non é austero. É o que ten o maior número de asesores, o maior número de coches oficiais, e o que gasta máis en lavalos. Aquí lávanse os coches da alcaldía cada 36 horas, lavado e encerado. É un goberno ademais que non planifica e rectifica cada día. Pasounos co Noroeste Pop-Rock, que un día non se pode facer porque non hai cartos e ó día seguinte se rectifica e si hai diñeiro para facelo, e así con moitas outras cousas. E sobre todo é un goberno débil cos fortes e forte cos débiles, unha das cousas que nesta nova política do século XXI non se pode permitir. Ademais, vive moi afastado da realidade. Losada vive na súa nube e os cidadáns que vivimos a pé sentimos que non conecta coa nosa realidade e desde logo ocúpase dunha Coruña que non existe e non obstante, dos problemas que temos os cidadáns non se ocupa.
Que lle parece o novo candidato do BNG á Alcaldía, Xosé Manuel Carril?
O señor Tello acaba de dicir que é o candidato menos apoiado dentro do BNG que se presentou nos últimos tempos. Eu creo que o lamentable é que na Coruña se reproduza o que está pasando a nivel Galicia, que é que estea triunfando a parte máis extremista dentro do Bloque. Se era difícil chegar a acordos cunha das partes que non era extremista, imaxínese coa UPG, que é a liña máis dura ideoloxicamente que ten este partido.
Será difícil logo o diálogo entre o PP e o Bloque...
Máis que o diálogo, chegar a acordos. Está claro cal é o ideario da UPG, marxista-leninista, que algúns criamos que estaba xa enterrado en pleno século XXI, pero aquí en Galicia, coa UPG, volve espertar.
Polo de agora só sabemos que vostede encabezará a lista electoral do PP na Coruña. E o resto dos compoñentes?
No PP pódolle asegurar que no equipo grande que somos, onde hai persoas que é de agradecer que queiran colaborar con nós, non nos interesa demasiado se estás na lista ou non estás, esa non é principal pelexa. A nosa preocupación é ter un bo proxecto, reflectir nel as ideas da xente, e danos igual xogar en calquera posición o partido. O que nos interesa é, como grupo, poder ofertar o mellor proxecto para A Coruña.
O PERFIL
Licenciado en Dereito pola USC, Carlos Negreira foi nomeado en 1992 director xeral de RRHH do Sergas. Entre 1996 e 2000 foi director de Aena; do 2000 ó 2003, director de Estratexia e Desenvolvemento da Sociedade Estatal de Correos e Telégrafos S.A; e no 2003, presidencia de Portos de Galicia. Agora é deputado autonómico pola provincia da Coruña, presidente provincial do PP da Coruña e Portavoz municipal dos populares na cidade herculina.
Como todavía quedan muchas dudas por resolver sobre el Plan Bolonia, la Comisión de Universidad y de Juventud de la Junta Local del PP de La Coruña organizó una charla - coloquio con la que poder resolver muchas de las cuestiones que inquietan tanto a los ya universitarios, a los que lo serán en breve como a los padres. Bajo el título 'Discurso y realidad de una Universidad sin fronteras: el Plan Bolonia', el Decano de la Facultad de Derecho de la Universidad de A Coruña y Profesor Titular de Derecho Internacional Privado, Eloy Gayán Rodríguez, aclaró muchas de las consultas planteadas y trasladó a los asistentes los cambios que supondrá en el sistema educativo el acercarnos cada día más a las directrices de dicho Plan. 
